Irailaren 19an, Gasteizko Gizarte Etxean. Naturaren eskubideak, eman diezaiogun ahotsa bizia ematen digunari jardunaldia antolatu dugu Garapenerako Lankidetzaren Euskal Agentziaren, Arabako Foru Aldundiaren eta Gasteizko Udalaren laguntzarekin.
Aztertu dugu nola naturaren eskubideez hitz egiteak esan nahi du beste urratsa bat egitea planetako ingurumena zaintzeko ikuspegian eta kezkan. Proposamen horrek ingurumenarekiko edo ikuspegi ekologistarekiko dugun erantzukizunaren ikuspegi murriztaile eta batzuetan ekonomizista hori gainditzea planteatzen du, ikuspegi ekologista horretan sakondu nahian, jatorrizko herrien ikuspegia txertatuz.
Horretarako, honako aditu hauek hartu dute parte, eta hainbat ikuspuntutatik haien ikuspegiak azaldu dituzte:
– Jorge Riechmann, olerkari, itzultzaile, filosofo eta Universidad Autónoma de Madrideko irakasle.
– Aura Lolita Chávez Ixcaquic, emakumeen eskubideen Guatemalako ekintzaile eta indigenen taldeburu
– Susana Borràs-Pentinant, Nazioarteko Zuzenbideko eta Nazioarteko Harremaneko irakasle Universitat Rovira i Virgilin
Halaber, zenbait pertsonak, jardunaldiaren hizlari horiek barne, artikulu hauek idatzi dituzte naturaren eskubideen ikuspuntura hurbiltzeko.
Euskadiko GGKE-en Koordinakundeak bere 2022-2030ko Plan Estrategikoa onartu zuen 2022an. Dokumentu horrek zeharkako ardatz berri bat gehitu dio erakundearen lanari: naturaren eskubideak ikuspegia. Ezagutza sustatzeko eta sektoreak gaian sakon dezan, Euskadiko GGKE-en Koordinakundetik hausnarketa-jardunaldiak eta beste ekimen batzuk antolatzen ari gara.
