Garapen bidean dauden herrialdetan irabazteko xederik gabeko erakundeen bidez gauzatu beharreko urte anitzeko garapenerako lankidetza proiektuak

Garapen bidean dauden herrialdetan irabazteko xederik gabeko erakundeen bidez gauzatu beharreko urte anitzeko garapenerako lankidetza proiektuak

Garapen bidean dauden herrialdeetan egiten diren lankidetza proiektu urte anitzekoak finantzatzeko laguntzak. Irabazi asmorik gabeko erakundeei zuzentzen zaie deialdia, betiere haien xedea garapenerako lankidetza bada. Proiektuak 2024., 2025. eta 2026. urteetan gauzatuko dira, eta ekitaldi bakoitzean, 492.706,95 euro, 497.641,40 euro eta 498.500,00 euro bideratuko dira hurrenez hurren.

Proiektuak, gehienez, 36 hilabete iraungo du, eta, gutxienez 30 hilabete.

Eskaerak aurkezteko 40 egun naturaleko epea egongo da 2024-04-06tik aurrera.
Dokumentazioa online aurkeztu beharko da, Arabako Foru Aldundiaren egoitza elektronikoaren bidez. Horretarako, deialdian barne hartzen diren eskaera eredu guztiak bete beharko dira.

Arabako Foru Aldundiak, gehienez, diruz lagundutako aurrekontu osoaren ehuneko 80a finantzatuko du, eta erakunde eskatzaileari dagokio gainerako ehuneko 20a jartzea. Urte bakoitzean bete beharko da baldintza hori.
Dirulaguntzak urtero ordainduko dira, eta erabakian ezarritako justifikazio betebeharrak betetakoan gauzatuko dira ordainketok.

Hauek izango dira urte bakoitzean, proiektuka eta erakundeka emandako diren gehieneko dirulaguntzak:
2024ko aurrekontua: 49.200,00 euro.
2025eko aurrekontua: 49.700,00 euro.
2026ko aurrekontua: 49.800,00 euro.

Erakunde onuradunak eta kanpoan utzitakoak:

Baldintza hauek betetzen dituzten erakundeek eska ditzakete dirulaguntzak:
• Dirulaguntzaren erakunde onuraduna izateko inolako debekurik ez izatea.
• Diputatu Nagusiaren Sailaren lehia araubideko dirulaguntzako ematea arautzen duten oinarri orokorretan, Foru Gobernu Kontseiluak uztailaren 21ean ezarritako 23/2020 Foru Dekretu bidez onartutakoetan, ezarritako baldintzak betetzea.
• Estatutuetan jasotzen diren helburuen artean egotea elkartasunaren eta garapenerako lankidetzaren esparruko ekintzak garatzea.
• Nortasun juridikoa izatea eta irabazteko asmorik ez izatea.

• Egoitza soziala edo publikoari irekita dagoen eta Arabako Lurralde Historikoan egonkorra den egitura finkoa izatea. Egitura horrek bere gain hartuko du eskaera aurkezteko erantzukizuna, eta proiektuaren agiriak Araban duen bulegoan mantenduko dituela hitzemango du.
• Egiaztatzea euskal administrazio publikoren batek finantzatutako garapenean laguntzen duten gutxienez bi proiektu egin izana azken hiru urteetan.
• Lehenago, bi proiektu eduki behar ditu, kontra-alderdi gauzatzailearekin kudeaturik, edo, gutxienez, tokiko entitateekiko batekin, baldin eta partzuergoan edo tokiko entitateen talde batean aurkezten bada.
• Gutxienez, bi urteko esperientzia izatea helmugako herrialdean proiektuak kudeatzen.
Dirulaguntza hauek erakundeen elkarteek ere jaso ahal izango dituzte, baldin eta elkarte hori osatzen duten partaide guzti-guztiek betetzen badituzte laguntzaren onuradun izateko ezarritako baldintza orokorrak eta berariazkoak.

Ezingo dituzte jaso dirulaguntza hauek:
• Aurreko ekitaldietan jasotako dirulaguntzekin egindako gastuak ezarritako epealdietan eta behar bezala justifikatu ez dituzten erakundeek, zuzendaritzaren aburuz proiektu edo jarduera horiek ez justifikatu izanaren arrazoiak behar bezala justifikatuta badaude izan ezik.
• Estatuaren menpeko erakundeek eta zerbitzuek, erkidegoko administrazioak, toki erakundeek, aurrezki erakundeek eta enpresek.
• Zuzenean nahiz talde bati lotutako edo talde bereko erakundeen bitartez Arabako Foru Aldundiarekin lankidetza hitzarmena duten irabazteko xederik gabeko entitateak eta hitzarmen horren helburua deialdi honen xedeari lotutako jarduerak edo programak egitea bada.
• Arabako Foru Aldundiaren urteko ekintzak garatzeko lankidetza deialdian parte hartzen duten erakundeek.