Irene Molero Euskadiko GGKEen Koordinakundeko koordinatzaile nagusiak nazioarteko lankidetzari buruz Sabino Arana Fundazioak Bilbon antolatutako hitzaldi batean parte hartu du. Solasaldiaren harira, gaiari buruz hitz egin du Onda Vasca irratiarekin izandako elkarrizketa batean ere.
Sabino Arana Fundazioak nazioarteko lankidetzaren hainbat alderdiri buruz antolatutako hitzaldi-zikloaren barruan, ekainaren 5ean, ostegunean, gaia Giza Eskubideen ikuspegitik jorratu du Irene Molero Euskadiko GGKEen Koordinakundeko koordinatzaile nagusiak.
«Helburua da lankidetza ekintza guztiek pertsona guztien giza eskubideak sustatu eta errespetatzea», azaldu du Molerok. «Horrek esan nahi du giza eskubideen ikuspegia txertatu behar dela lankidetzaren fase guztietan, plangintzatik ebaluaziora arte; lankidetza proiektuek, garapen helburuak lortzeaz gain, pertsonen bizi baldintzak hobetuko dituztela eta haien eskubideak babestuko dituztela bermatuz. Ikuspegi horretatik, pertsonak erdigunean jartzen dira eta beren garapenaren eragile nagusi bihurtzen dira».
Antolatutako gizarte solidario batetik, inor atzean utzi gabe hitzaldi osoa ikus dezakezu hemen:
Gainera, hitzaldiaren aurreko egunetan, Irene Molerok gaiari buruz hitz egiteko aukera izan du Onda Vasca irratian.
