Otra piedra en el camino
Zeramikaren, metalurgiaren, nuklearren eta pigmentuen industriarako, besteak beste, mineral estrategikoa da zirkonioa. Harea-gordailu handietatik erauzten dute, hala nola Senegaleko kostaldeko dunetatik. Gaur egun, herrialde hori munduko laugarren ekoizlea da.
Grande Côte Opérations (GCO) enpresak, Eramet multinazional frantsesaren filialak, itsasbazterrean zehar aurrera egiten duen aire zabaleko meategia burutzen du. Ingurumenean eta gizartean eragin handiak ditu, tokiko komunitateak lekualdatzea, bizibideak galtzea eta emakumeak desahalduntzea eragiten du.
Gaur egun, zirkonioaren erauzketa Thieppe eta Diokoul udalerrien mailan dago, Kébémer Departamentuan, Senegalen. Eskualde horretan, FADEC – Nord gure kidearekin batera, hamabost urte baino gehiago daramatzagu klima-aldaketa arintzeko eta horri moldatzeko ekimenetan lanean, hala nola dunek aurrera egitea kontrolatzeko landare-zerrendak sortzen.
Klima-aldaketaren eragin bereziki pairatzen duen eskualdea da, izan ere, Senegalen lehorteak, tenperaturak igotzea eta desertifikazioa eragiten ditu. Komunitateentzat eta bereziki emakumeentzat, zirkonioaren meatzaritza Beste harri bat bidean da. Hala, emakumeak, etxeko eta nekazaritza edo arrantza bezalako jardueren arduradunak, ondorio horiek gehien pairatzen dituzte, izan ere, ingurune gero eta latzagoan zama handiagoak hartu behar dituzte.
Zirkonioaren aire zabaleko erauzketaren ingurumen- eta gizarte-ondorioen eta mundu mailan gure kontsumoak dauzkan munduko eraginen gainean kontzientziatzeko, zein gure Senegaleko kideek sustatutako ekimen-lanak bultzatzeko xedearekin, Nazioarteko Elkartasuna – Solidaridad Internacionalek Beste harri bat bideanbultzatzen du, Senegaleko FADEC – Nord, kideekin batera:
Ikerketa – Zirkonio meatzaritzaren eragina eta arriskuak Thieppe eta Diokoul udalerrietan, Senegal
Abeltzaintza, nekazaritza, osasuna, ingurumena, urari sarbidea eta emakumeen eskubideetan erauzketa-jarduerak dauzkan eragin nagusiak biltzen ditu, lekualdatutako komunitateengan zein aire zabaleko meatzaritzak zeharkatutakoengan.
Munduko kontsumoaren eta tokiko eraginen arteko loturetan fokua jartzen du eta beharren zein arduren titularrek ezarri beharreko konponketa-neurriak proposatzen ditu.
Raíces – Dokumentala
Zirkonioaren ustiaketak Senegaleko Grande Côte eskualdeko komunitateetan eragina dauka. Grande Côte Opérations – Eramet aire zabaleko meategiak itsasbazterra zulatu du eta dunak desagerrarazi ditu, hala, komunitateak lekualdatu behar izan dira. Lortutako zirkonioa Iparralde Globalean fabrikatzen da, pigmentuak, zeramika edo industria nuklearrerako erabiltzeko.
Dokumentalak, tokiko biztanleriaren, aktibisten eta adituen eskutik, tokiko komunitateek aurre egin beharreko eta immigraziora bultzatzen dituen arazoa azaltzen digu. Bizkitartean, oraindik ere erroak botatzeko grina dute.
Dokumentala ikusi eta partekatu
Erakusketa Ibiltaria eta Tailerrak Bideo Foroarekin
“Beste Harri Bat Errepidean” kanpainaren barruan, erakusketak eta tailerrak egingo dira 2025ean zehar, EAEko hainbat tokitan. Ekimenak zirkonio meatzaritzak Senegalen dituen gizarte eta ingurumen eraginak, kontsumo eredu globalarekin duen lotura eta testuinguru horietan emakumeek jasaten dituzten ondorio espezifikoak azpimarratzen ditu.
Erakusketa, irisgarritasun handiko espazio publikoetan kokatua, tailer batekin osatzen da, meatzaritzak eta klima krisiak Saharaz hegoaldeko Afrikako emakumeen bizitzan, batez ere Senegalen, nola eragiten duten hausnartzera gonbidatzen duena. Espazioak ideien trukea eta errealitate anitzetan oinarritutako alternatiba justuagoen eraikuntza kolektiboa ere sustatu nahi ditu.
Hurrengo datak:
- Donostia (Emakumeen Etxea): Irailak 1-7. Tailerra: Irailak 4, 18:00etan
- Vitoria-Gazteiz (Emakumeen Etxea): Irailak 8-28. Tailerra: Irailak 16, 17:30etan
- Llodio: Urriaren 6-12. Tailerra: urriaren 10ean, 18:00etan
- Bilbo (Bilborock): urriaren 14an
Data gehiago Portugaleten, Gurutzetan, Zuaza, Basauri eta Barakaldon:
Kontaktua : derechoshumanossi@sol-inter.org / bizkaiasi@sol-inter.org / 609 56 78 67