Zinexit Topaketak | Giza Eskubideen 15. Zinema Erakustaldia: «Les barbares»

HASIERA: urria 9, 2025
BUKAERA: urria 9, 2025
NON: Golem Zinemak Alhóndiga - 4. aretoa (Bilbo)
ORDUTEGIA: 19:00

Hitzaldia/Erakusketa/Proiekzioa
Informazio gehiago

Datorren urriaren 9an, Zinexit Topaketan, Les barbares filma proiektatuko da, Julie Delpy-k zuzendua, argitasunez eta ausardiaz, gure garaiko eztabaida premiazkoenetako batean murgilduko dena: arrazismoa, xenofobia eta elkartasunaren mugak gure gizarteetan.

Istoriak Paimperten kokatzen gaitu, Bretainiako herri txiki batean, non, elkartasun keinu batean, herriak errefuxiatu ukrainar talde bat hartzea erabakitzen duen. Hala ere, ezustea iristen da benetan familia siriarrak direla jakiten dutenean. Hasierako elkartasuna beldur, mesfidantza eta arbuio bihurtzen da. Delpyk satira erabiltzen du bestearen pertzepzioari, arrazakeriari eta elkartasunaren hauskortasunari buruzko eguneroko aurreiritziak biluzteko, proban jartzen denean. Ironiaz eta gizatasunez beteriko filma da, eta gure gizarteek ere zeharkatzen dituzten gizarte-dinamikei buruz hausnartzera gonbidatzen gaitu.

Film hau proposatu da, zuzenean interpelatzen gaituen problematika global bat argi eta garbi islatzen duelako, «onargarritzat» jotzen dena zalantzan jartzera behartzen gaituelako eta mehatxu gisa ikusten delako, giza eskubideen defentsa jatorriak, erlijioak edo nazionalitateak baldintzatu ezin dutela gogoraraziz.

Urriaren 9an Azkuna Zentroko Golem zinemetan parte hartzera animatzen zaituztegu, eta ondorengo solasaldiarekin bat egitera, pelikulak planteatzen dituen gaien inguruan eztabaidatu eta sakondu ahal izateko. Beste behin ere, zinema gizartea sentsibilizatzeko eta eraldatzeko tresna bihurtzen da, bizikidetzari, aniztasunari eta bidegabekeriaren aurkako erantzukizun kolektiboari buruzko hausnarketa kritikoa egiteko gune bat sortuz. Ispilu deseroso honetan begiratzeko eta gizarte inklusiboago, solidarioago eta pertsona guztien duintasunarekiko errespetuzkoago batekin dugun konpromisoa berresteko aukera ematen duena.

Aretora sartzeko beharrezkoa da leihatilan doan den sarrera jasotzea eta urriaren 6tik, aurrera zuen eskura egongo dira. Sarrera librea da lekua bete arte.