Euskararen erabileran sexismoa saihesteko eta itzultzaile automatikoa hobeto erabiltzeko aholkuak eta tresnak ezagutu ditugu Donostiako Teila Fabrika espazioan, Irene Arrarats euskaltzain eta BERRIAko euskara arduradunaren eskutik.
Maiatzaren 7an, asteazkenean, Euskaraldiaren atarian, Euskadiko GGKEen Koordinakundeak entitateetan euskararen erabilera indartzeko tailerra eskaini du Donostiako Egia auzoko Teila Fabrika espazioan (Iruresoro Pasabidea, 2/4).
09:30etik 14:00etara bitartean, Irene Arrarats euskaltzain urgazle, zuzentzaile, itzultzaile eta BERRIA egunkariko euskara arduradun eta estilo zuzendariak bideratu du formakuntza saioa, bi bloketan banatuta: lehen zatian, euskararen erabilera ez-sexista landu dugu, hainbat kasu praktikoren bidez adibide okerrak eta zuzenak ezagutuz; bigarren zatian, berriz, itzultzaile automatiko eta neuronalen aukerak eta mugak jorratu ditugu, horiek erabiltzeko gomendioetan sakonduz.
