LAN-ILDOAK:
Gizarte-eraldaketarako komunikazioa
Informazioaren eta komunikazioaren aldeko apustua egiten dugu gizarte demokratikoetan bermatu beharreko giza eskubide gisa, pertsonen eta herrien garapena bermatzen dutelako.
Gizarte-eraldaketarako komunikazioan, prozesu bat da komunikazioa (produktu bat baino gehiago), gizarte parte-hartzaileak, demokratikoak, horizontalak eta askotarikoak eraikitzeko. Eztabaidan, hausnarketan eta ekintzan gizarte-eragile guztiek parte-hartzea lortu nahi du, garapen-eredu justua eta jasangarria sortzeko modu kolektiboan.
Errealitatearen ikuspegi proaktiboagoa eta ingurunea eraldatzeko jarrera sortzen du pertsonengan, ikuspegi globaletik betiere. Informazioa ekintza bihurtzen du; horretarako, aldaketarako informazioa, prestakuntza eta proposamenak eskaintzen ditu, eta kontzientziatu, ikertu eta ezkutatu nahi den egia azaleratzen du. Era berean, herritarrak mobilizatzeko deia egiten du, parte-hartzean, gizarte-kohesioan eta eraldaketan laguntzen du, norbanakoaren eta kolektiboaren ikuspegitik, eta onartezinaren aurrean alternatibak proposatzen ditu.
Gainera, uste du komunikabideen eta kazetarien parte-hartze aktiboa funtsezko eragileak direla ahalduntze komunikatiboa, aldaketa soziala eta balio solidarioen sustapena ahalbidetzeko, etengabeko ezagutza eta hausnarketa kritikoa oinarri hartuta.
Komunikazioa aldaketa sozialaren eragile gisa:
- Lan-arloekin eta lantaldeekin koordinatuta, erakundearen helburuekin bat datozen komunikazio-estrategiak diseinatzen ditugu.
- Komunikabideei zuzendutako ekintzak egiten ditugu, gure jarrerak, jarduerak eta proposamenak zabaltzeko eta, hala, munduan bizi diren errealitateen aurrean biztanleria informatua, kritikoa eta parte-hartzailea izan dadin laguntzeko, bai eta elkartasuneko eta nazioarteko lankidetzako politikak indartzeko ere.
- Bidegabekeria globalak eta haien zergatiak ikusarazten ditugu, bai eta bidegabekeria horiek aldatzeko eskura ditugun tresnak ere, eta egitea nahi ez duten galderak planteatzen ditugu. Gainera, ihes egiten dugu diskurtso sinplista, paternalista edo alderdikoietatik, eta sistema demokratikoak higatzen dituzten gorrotoaren eta desinformazioaren diskurtsoei aurre egiten diegu. Herritarrekin konektatu nahi dugu, partikularra eta indibiduala denaren aurrean, guztion ongiaren alde egiteko.
- Komunikazio-tresnak kudeatzen ditugu, hala nola web orriak, buletinak, sare sozialak edo argitalpenak.
Lotutako aktualitatea
Gose masiboa Gazan: langile humanitarioak ere ez dira salbu
Gizarte zibileko 100 erakunde eta plataformak baino gehiagok sinatu dute adierazpen hau, eta gobernuei ohartarazi diete Gazako Zerrendan goseak duen hedapenari eta eraginari buruz, horren aurrean jardun dezatela eskatuz.
El Salvadorko Giza Eskubideen egoeraren salaketa
Zehar-Errefuxiatuekin eta Euskadiko GGKEen Koordinakundeak prentsaurrekoa eskaini dute Ivania Cruz eta Zenayda Serranorekin batera, salatzeko El Salvadorren gertatzen ari den giza eskubideen urraketa, bai eta gizarte zibilaren kriminalizazioa eta jazarpena ere.
«Dominazio geopolitikari aurre egiteko estrategiak» jardunaldietako bideoak ikusgai
Ekainaren 11n, Luis González Reyes, Helena Maleno, Miguel Urbán, Júlia Martà Comas, Taher AlÃ, Nahia Sanzo eta Marra Junior izan ziren hizlariak Euskadiko GGKEen Koordinakundeak geopolitikari buruz antolatutako lehen jardunaldietan.
Eraikuntza komunitarioaren erronkak: Gizarte Eraldaketarako Hezkuntzari buruzko VIII. Jardunaldietako bideoak ikusgai
Gizarte Eraldaketarako Hezkuntzari buruzko topaketak 100 pertsona inguru bildu zituen Donostian apirilaren 3an, Maider Elortegi Uriarte, José Luis Fernández Casadevante ‘KOIS’, IIFACe, Kaleko Afari Solidarioak, SOS Arrazakeria eta Cala Kolektiboaren eskutik.
Manifestua: Gazak ezin du itxaron
Euskadiko GGKEen Koordinakundeak bat egin du UNICEF, UNRWA, Amnistia Internazionala, Oxfam Intermon, Mugarik Gabeko Medikuak, Save the Children eta Bakearen aldeko Mugimendua (MPDL) erakundeek sustatutako presazko manifestuarekin. Espainiako Estatu osoko ehunka erakundek babestu dute adierazpena.
Antolatutako gizarte solidario batetik, inor atzean utzi gabe
Irene Molero Euskadiko GGKEen Koordinakundeko koordinatzaile nagusiak nazioarteko lankidetzari buruz Sabino Arana Fundazioak Bilbon antolatutako hitzaldi batean parte hartu du. Solasaldiaren harira, gaiari buruz hitz egin du Onda Vasca irratiarekin izandako elkarrizketa batean ere.
