Orain, Zubiak eraikitzen: Garapen iraunkorrerako politiken koherentzia Euskadin, aldaketarako eragile gisa dokumentuaren berri izan dezakezu eta harekin bat egin. Euskadiko GGKEen Koordinakundearen eta UN Etxearen ekimenez sortu da, Futuro en Común izeneko aliantzaren esparruan.
2024. urtean, Euskal Gizarte Zibilaren I. Topaketa egin zen, Lortu nahi dugun etorkizuna kolektiboki imajinatzeko elkarrizketa, hausnarketa eta lankidetza guneak sortzea ahalbidetu zuena. Topaketa horren ondorioz, euskal alderdi politikoei zuzendutako gizarte zibilaren konpromisoak eta eskakizunak ezarri ziren, garapen iraunkorraren printzipioekin bat datozen politikak bultzatzeko helburuarekin.
Prozesu honen hurrengo mugarria Gizarte Zibilaren II. Topaketa: Etorkizun Koherente bat – Garapen Iraunkorrerako Aliantzak topaketa izan da. Topaketa hori eragile anitzeko hausnarketa eta elkarrizketa gune gisa finkatu da, eta han bat egin zuten gizarte zibil antolatuaren zenbait arlotako funtsezko eragileek (ingurumena, feminismoa, gazteak, migrazioak…), arduradun politikoek, akademiak, komunikabideek, sektore pribatuak eta, oro har, herritarrek.
Dokumentu estrategiko hau bigarren Topaketa horren emaitza da, eta helburua da 2030 Agendaren azken txanpan politiken koherentziaren ikuspegia ezartzeko bide-orri gisa balio izatea. Bertan, gomendio eta amaierako gogoeta batzuk biltzen dira, administrazio publikoei, enpresa-sektoreari eta gizarte zibil antolatuari begira, politiken koherentzia Euskadin eta hemendik haratago indartzeko.
Prozesu honek berretsi egiten du lankidetzako eta eragile anitzeko lana funtsezkoa dela garapen iraunkorraren printzipioekin bat datozen politika publiko koherenteak bermatzeko. Dokumentu honen bidez, konpromiso hau indartuko duen eragin esparru bat finkatu nahi da, etorkizun justu, ekitatibo eta iraunkorra eraikitzen aurrera egiten jarraitu ahal izateko.
