Larrialdi egoeretan proiektu eta ekintza humanitario puntualetarako diru-laguntzak

Hasierako data: 2025 / 05 / 6
Azken eguna: 2025 / 05 / 25

Deitzaile: Tolosako Udala

Gomendatzen dugu dirulaguntzen epeak konfirmatzea administrazioak publikatutako deialdian.

Larrialdi-egoeretan proiektu eta ekintza humanitario puntualetarako dirulaguntzak emateko 2025. urteko oinarri arautzaileak eta deialdia.

Diru-laguntza orokorrei buruzko azaroaren 17ko 38/2003 Legearen 17.3.b eta 20.8.a artikuluetan ezarritakoaren arabera, deialdiaren laburpena argitaratzen da. Horren testu osoa Diru-laguntzen Datu Base Nazionalean aurki daiteke.

 

Onuradunak

Hauek izan daitezke dirulaguntza hauen onuradunak: pertsona juridikoak (irabazi-asmorik gabeko gizarte eta osasun alorreko elkarteak), oinarri hauetan eta dagokien deialdian ezarritako baldintzak betetzen badituzte.

 

Xedea

Oinarri hauen xedea da arautzea gobernuz kanpoko erakundeei eta irabazi-asmorik gabeko elkarteei dirulaguntzak lehia bidezko konkurrentziaren arabera emateko modua. Beharra duten komunitateetan larrialdiko ekintza humanitarioak egiteko dira dirulaguntza horiek. Gatazka belikoek edo katastrofe naturalek sortutako egoerak arintzeko izango dira laguntza humanitario horiek, edo oinarrizko beharrak edo beste edozein premia asetzeko, betiere aurreikusi gabeko gertakari baten ondorioz sortu badira.

 

2025. urteko oinarri arautzaileak eta deialdia

Gizarte Zerbitzuak eta Osasuna Saileko zinegotzi delegatuak, 2025eko apirilaren 14an, 2025/1120 Dekretuaren bidez, erabaki zuen onartzea ebazpenean jasotzen diren dirulaguntzak ematea arautzen duten oinarri arautzaileak eta deialdia.

Informazio zehatza interesdunen eskura dago Udalaren web-gunean.

 

Zenbatekoa

Deialdi honetan emateko dirulaguntzaren zenbateko osoa 15.000 eurokoa da, Tolosako Udalaren Aurrekontu Orokorren partida hauen kargura:

  • 0500.481.01.231.00 (2025): 1.000 euro, baldin eta xede den herrialdea ez badago garapen-bidean.
  • 0500.491.01.231.00 (2025): 14.000 euro, baldin eta proiektuaren xedea garapen-bidean dagoen herrialderen bat bada.

 

Eskaerak aurkezteko epea

Eskaerak aurkezteko epea 20 egun naturalekoa izango da, deialdia Gipuzkoako ALDIZKARI OFIZIALEAN argitaratu eta hurrengo egunetik zenbatzen hasita.

 

Tolosa, 2025eko apirilaren 14a. Kristina Pelaez Errazkin, Gizarte Zerbitzuak eta Osasuna Saileko zinegotzi delegatua

https://uzt.gipuzkoa.eus/WAS/AYTO/USCServicioCiudadanoVer15WEB/home.do?De=EU071128358