HASIERA: urria 20, 2025
BUKAERA: azaroa 10, 2025
NON:
ORDUTEGIA:
UN Etxeak – UNESCO sustatzeko Euskal Herriko Elkarteak, Bizkaiko Foru Aldundiko Enplegua, Gizarte Kohesioa eta Berdintasuna Sustatzeko Sailaren laguntzarekin, “Emakumeen eskubideak, jasangarritasuna eta intersekzionalitatea 2030 Agendan” ikastaroa antolatu du, 2025eko urriaren 20tik azaroaren 10era izango da, 30 orduko iraupenarekin.
Online prestakuntza horrek ibilbide bat proposatzen du emakumeen eskubideen alde, 2030 Agendaren esparruan, emakumeek mundu osoan dituzten egiturazko desberdintasunak eta diskriminazio mota ugariak agerian uzten dituzten ikuspegiak txertatuz.
Eduki teorikoen, ikus-entzunezko baliabideen eta tokiko esperientzien bidez, eragin politiko eta sozialerako eta eraldaketa-espazioetan parte-hartze aktiborako gaitasunak indartu nahi dira.
HELBURUAK:
- 2030 Agendan emakumeen eskubideei buruzko ezagutza eta hausnarketa kritikoa sustatzea, giza garapen iraunkorraren ardatz gisa.
- Eragin politiko eta sozialerako gaitasunak indartzea, ikuspegi feministatik eta intersekzionaletik.
- Bizkaiko hainbat emakume-talderen errealitatera hurbiltzea, haien borrokak, jakintzak eta proposamenak aitortuz: emakume ijitoak, musulmanak, migratuak, arrazializatuak, adinekoak, desgaitasuna dutenak, besteak beste.
NORENTZAT: Ikastaroa erakunde feministetako eta beste sektore batzuetako profesionalei eta boluntarioei zuzenduta dago, baita 2030 Agenda eta giza eskubideak (gizarte zibila oro har, talde feministak, lankidetza, ekologistak, administrazio publikoak, akademia, sindikatuak) zabaldu eta gauzatzearekin zerikusia duten profesionalei eta boluntarioei ere.
PREZIOA: Doakoa da.