HASIERA: uztaila 28, 2025
BUKAERA: urria 15, 2025
NON:
ORDUTEGIA:
Euskadiko erakunde sozialek zer neurritan egiten dute lan edo uzten dituzte aurrezkiak banka etikoko erakundeetan? Galdera horri erantzuteko, SETEM Hego Haizeak Euskadiko Hirugarren Sektore Sozialean finantza etikoen erabilerari buruzko erradiografia egiten hasi gara. Centre Delàsekin lankidetzan abiatu dugu ekimena, Banka Armatua Kanpainatik. Helburua da jakitea nola erlazionatzen garen finantza-erakundeekin, zer oztopo aurkitzen ditugun banka etikoaren alde egiteko, eta zer aukera ireki genitzakeen gure praktiketatik bertatik.
Horretarako, Ekonomia Sozial eta Solidarioaren eta Garapenerako Lankidetzaren erakundeei zuzendatutako galdetegi bat abiatu dugu, Euskadiko GGKEen Koordinakundearekin eta REAS Euskadirekin lankidetzan. Modu kolektiboan eraikitako eta arina eta eskuragarria izateko pentsatutako tresna da, eta erakunde horiei guztiei betetzera animatzen diegu.
Inkesta 2025eko urriaren 15era arte egongo da eskuragarri (23:59). Esteka honetan betetzera gonbidatzen zaitugu:
https://erabili.liberaforms.org/hirugarren-sektore-sozialaren-finantza-erradiograf
Jasotako informazioa konfidentzialtasun osoz tratatuko da. Ez dira erakunde parte-hartzaileen izenak aipatuko, ezta haiek identifikatzeko daturik jasoko ere. Erantzungo duten erakunde guztien emaitzak batera aurkeztuko dira, joera orokorrak eta ikaskuntza komunak bilduz, finantza etikoetarako trantsizio kolektibo eta eraldatzailerantz aurrera egiteko asmoz.
Zergatik da garrantzitsua?
Ekimen honen helburua sektorearen egungo egoerari buruzko irudi errealista eta partekatua sortzea da, gure finantza-erabakiak erakunde gisa defendatzen ditugun balioekin (justizia soziala, giza eskubideak, elkartasuna eta iraunkortasuna) hobeto lerrokatzen lagunduko diguten proposamenak eraikitzeko.
Finantza etikoak gure diruak mundu justuago bat eraikitzen ahalbidetzen duen tresna dira. Gizarte-erakundeen finantza-erabakiak koherenteak izan daitezke giza eskubideekin eta justizia sozialarekin dugun konpromisoarekin. Arlo honetan ere aldea markatzeko gaitasuna dugu!
Zalantzarik baduzu edo informazio gehiago nahi izanez gero, jarri harremanetan gurekin genero.euskadi@setem.org edo donostia@setem.org helbideen bidez.
Eskerrik asko!