[FORMAKUNTZA] Baloreekin finantzatzea: Nola eskuratu baliabide finantzario etiko eta solidarioak

HASIERA: azaroa 20, 2025
BUKAERA: azaroa 20, 2025
NON: ZOOM
ORDUTEGIA: 17:00 - 19:00

Tailerra/Formakuntza
Inskripzioak
Informazio gehiago

Dirua gizartea eraldatzeko tresna ere izan daiteke.
Begirada Sozialarekin Ekinez V ibilbidearen azken prestakuntza berri honetan, finantza etikoek helburu jakin batekin proiektu ekintzaileak nola bultza ditzaketen ezagutzera gonbidatzen zaitugu.

Helburuz ekiteak gure proiektuak nola finantzatzen ditugun birpentsatzea ere badakar. Ohiko banku-aukerek sarritan Ekonomia Sozial eta Solidarioaren balioei erantzuten ez dieten testuinguru batean, finantza etikoak pertsonak eta planeta erdigunean jartzen dituzten ekimenak bultzatzeko benetako alternatiba gisa sortzen dira.

Hauek izango dira eduki nagusiak:

  • Finantza-erakunde bat etikoa eta solidarioa zerk egiten duen identifikatzea.
  • Gaur egun dauden finantzaketa etikoko alternatibak mapeatzea.
  • Erakunde horiek proiektu ekintzaileei laguntzeko aplikatzen dituzten irizpideak ezagutzea.
  • Finantzaketa eskatu aurretik, zure proiektuan zer alderdi landu behar dituzun jakitea.

Horretarako, Euskadiko Finantza Etikoen Elkarteko Javier Eguiara izango dugu, Fiare Banca Eticak sortutako erakundea, finantza-hezkuntza kritikoa, zirkulu parabankarioak eta aktibismo kritikoa lantzeko helburuarekin.

Tailerra azaroaren 20an izango da 17:00etatik 19:00etara Zoom plataformaren bitartez.

Plazak mugatuak dira eta izen-ematea asteazken goizera arte egongo da zabalik.

Gogorarazten dizuegu tailer horiek, ekiten ari diren edo ekin nahi duten pertsonentzat ez ezik, gizarte-ekintzailetzaren eta eraldatzailearen munduan interes desberdinak dituen edonorentzat ere badirela.

Saioan izena emateko formulario hau bete behar da.