Larrialdia Mozambiken
Euskal elkartasuna abian da Idai zikloiak Afrikako ipar-ekialdeko zenbait lurralde suntsitu ondoren
Martxoan Idai zikloiak Afrikako ipar-ekialdeko hiru herrialdetako hainbat eremu suntsitu ditu (Mozambike, Zimbabwe eta Malawi). Zehazki, kalte gehien jasan duen eremua Mozambikeko kostaldea eta erdigunea izan dira.
Autoritateek adierazitakoaren arabera, 700 pertsona baino gehiago hil dira; hala ere, biktima kopuru ofiziala oraindik hazten ari da. Mozambikeko presidenteak aditzera eman duenez, 1.000 baino gehiago izan litezke hildakoak. Horrez gain, milaka zauritu eta kalte material oso garrantzitsuak izan dira. Zikloia igaro zenetik egun batzuk pasa diren arren, jende askok jarraitzen du oraindik zutik jarraitzen duten etxebizitza apurren teilatuetan eta uraren indarrari eutsi zioten zuhaitzen adaburuetan.
Kalkuluen arabera, gutxienez 1,7 milioi pertsonak jasan dituzte zikloiaren eraginak, NBEren Elikagaien Mundu Programak aditzera eman duenaren arabera. Nazioarteko laguntza agentzien arabera ekaitzaren eraginak azken bi hamarkadetan Afrikako ipar-ekialdean izandako hondamendirik okerrena izan dira.
Euskal elkartasuna, abian
Euskadiko GGKEen Koordinakundearen kide diren ondorengo GGKE hauek, kaltetutako guneetan lankidetza-proiektuak egiten dituzte, edo larrialdietako esku-hartzeak eta ekintza humanitarioak egiten ari dira jada, hala nola, kalteak eta biztanleen beharrak balioesten, laguntza bideratzen edo sendagaiak eta material sanitario edo pertsonala bidaltzen, besteak beste:
Oxfam IntermónFarmacéuticos Mundi-Farmamundi
(Informazioa etengabe ari da eguneratzen)
Argazkia: NASA, Natural Earth (jabari publikoa)
