Gerraren negozioaren aurkako eskolara
Gerraren negozioaren aurkako gazte eskola politikoa aurkezten dizuegu! SETEMek abiatuko ‘Etorkizuna desarmatzen’ lelopean Barrian (Araba), apirilaren 17tik 19ra bitartean. Izen emateak irekita daude eta guztiz doakoak dira.
Berrarmatzea mundu mailan, gatazkak eta genozidioak gero eta toki gehiagotan, mugen militarizazioa, etab. Egungo testuinguruan eskola bakezale hau etsipenean ez erortzeko eta gerren eta horien arduradunen aurrean ez jarduteko dator. Horrela, parte hartuko duten pertsonek bakearen eta gizarte-eraldaketaren aldeko aktibismoa egiteko tresnak eta estrategiak izango dituzte.
Zer dago gerraren negozioaren atzean? Zer banku erabiltzen dituzte gure aurrezkiak negozio honetan eta zer alternatiba daude? Bakearen aldeko aktibismo lokaleko eta globaleko zein kanpaina eta estrategiatan ditugu ekitzetara pasatzeko? Gai horiek eta beste batzuk landuko dira asteburuan, tokiko eta nazioarteko mugimenduekin batera, hala nola Al Haq erakunde palestinarra.
Topaketarako lekuak mugatuak direnez, lehenbailehen formulario honetan izena ematera animatzen zaitugu. Informazio gehiago edo zalantzak argitzeko, SETEMekin harremanetan jar zaitezke bilbao@setem.org helbidera idatziz edo 945 120 746 telefonora deituz. Topaketa honetan parte hartzea guztiz doakoa da, janaria, ostatua eta Gasteiztik Barriarako autobus garraioa barne. Beste leku batetik joan behar baduzu, kontsulta gaitzazu. Ostiral arratsaldean, hilak 17, hasi eta igandean, hilak 19, amaituko dugu.
Hau da behin-behineko programa:
Ostirala: Ongietorria eta topaketaren hasiera.
Larunbata 10:00-14:00 Zer ezkutatzen da gerraren negozioaren atzean?
- Armamentu-zikloa: nor dago gerraren atzean? (Centre Delàs d’Estudis Per la Pau)
- Banka armatua eta horrek pertsonengan eta planetan duen eragina (SETEM)
- Gerraren negozioari buruzko tailer praktikoa (SETEM)
Larunbata 16:00-20:00 Banka armatuari alternatibak
- Bakearen kultura eta segurtasuna ikuspegi feministatik birpentsatzea (Zuriñe Rodriguez)
- Eta nik zer egin dezaket? Banka armatuaren alternatibak: finantza etikoak, aktibismoa eta herritarren mobilizazioa (KEM-MOC Talde Antimilitarista, Emakumeok Gerraren Aurka eta Finantzaz Haratago)
Igandea 10:00-14:00 Palestinan genozidioaren aurkako herritarren mobilizazioa
- Herritarren mobilizazioa eta herri palestinarraren aldeko boikota BAIEZTATZEKE
- Zer egin dezakegu herri palestinarra laguntzeko? (Al Haq erakunde palestinarra)
Jarduera honek Lankidetza eta Elkartasunerako Euskal Agentziaren finantziazioa du, eta «Gerra zure kutxazainean hasten da: Banka Armatua vs Finantza Etikoak» proiektuaren parte da.