Deialdiak: Garapenerako lankidetza garatzeko proiektuak
Azken eguna: 24-02-2023 - Hasierako data: 06-02-2023
Deitzaile: Errenteriako Udala
2023. urtean emango diren Kultur aniztasuna, garapenerako lankidetza eta giza eskubideen saileko dirulaguntzen deialdia. 1.1 Dirulaguntza lerroa: Garapenerako lankidetza garatzeko proiektuak.
Azaroaren 17ko Dirulaguntzen 38/2003 Lege Orokorraren 17.3.b eta 20.8.a artikuluetan xedatutakoaren arabera, deialdiaren laburpena argitaratzen da. Horren testu osoa Dirulaguntzen Datu-Base Nazionalean kontsulta daiteke, goiburuan zehazten den erreferentzia zenbakiarekin (http://www.pap.minhafp.gob.es/bdnstrans/GE/es/index).
2022ko azaroaren 25ean Alkateak emandako 2682 zenbakiko dekretu bidez, eta ondorengo 2022ko abenduaren 19an, 2856 zenbakiko akats zuzenketa Dekretuaren bidez, Errenteriako Udalak 2023 urtean eta 2023-2024 ikasturtean dirulaguntzak emateko oinarri orokorrak onartu dira.
Kultur aniztasuna, garapenerako lankidetza eta giza eskubideen saileko zinegotzi delegatuak, 2022ko abenduaren 22an, dekretu zka. 2883, ebazpenean jasotzen den dirulaguntza ematea arautzen duen deialdia onartzea erabaki du:
1.1. Dirulaguntza lerroa: Garapenerako lankidetza garatzeko proiektuak.
Lerro horretarako baimendutako gastua 100.000 eurotakoa da.
Eskaerak aurkezteko epea irekiko da 2023ko otsailaren 6an eta otsailaren 24an amaituko da (biak barne).
Pertsona edo kolektibo interesdunek Udalaren web orrian (https://uzt.gipuzkoa.eus/home.do?De=EU06712338) eta Kultur aniztasuna, garapenerako lankidetza eta giza eskubideen sailean (tfnoa 943.449.596; posta elektronikoa aniztasuna@errenteria.eus) aurkituko dute informazio xehatua.
Errenteria, 2022ko abenduaren 22a.—Alazne Korta Zulaika, antolaketako ordezkaria. (8709)
