Ander Arcos Alonsoren «Madurar en el trópico» liburuaren aurkezpena

HASIERA: abendua 3, 2025
BUKAERA: abendua 3, 2025
NON: BBK Kuna - Urazurrutia, 3 (Bilbo)
ORDUTEGIA: 18:30

Hitzaldia/Erakusketa/Proiekzioa
Informazio gehiago

Ander Arcos Alonsok Madurar en el trópico. Experiencias de un cooperante en América Latina (2008–2025) liburua argitaratu berri du. Bi hamarkadatan zehar Kolonbian, Venezuelan, Nikaraguan, Guatemalan edo Perun kooperante gisa egindako lana jasotzen du argitalpenak, pasadizo pertsonalen eta tokiko komunitateen testigantzen bidez.

Testigantza interesgarria eta motibagarria izan daiteke nazioarteko lankidetzan trebatu nahi dutenentzat, sektoreari buruzko sentsibilizazio eta hausnarketa tresna gisa.

Liburuaren helburua ez da lankidetza idealizatzea, baizik eta bere argi-ilunekin erakustea: nolakoa den atzerriratutako baten bizitza, tokiko bazkideekiko harremana, laguntza-fluxuen funtzionamendua eta sektorearen eguneroko erronkak. Kontakizun indibiduala baino gehiago, egileak lan egin duen komunitateei protagonismoa eman nahi die, publiko orokorrari nazioarteko lankidetzari buruzko begirada gizatiar eta kritikoa hurbilduz, estereotipo eta diskurtso sinplistetatik urrun. Modu zintzo eta hurbilean, nazioarteko lankideen lana aitortu nahi du, batez ere orain, sektore politiko jakin batzuetatik gure lana hainbeste zalantzan jartzen den garaiotan.

Liburua eskuragarri dago argitaletxearen webgunean eta Estatu osoko liburu-dendetan.